Sagua

Saguak plastikozko karkasa bat dauka, bi edo hiru botoi goiko aldean eta beheko aldean bolatxo bat. Sagua zerbaiten gainetik pasatzen denean, beheko aldean duen bolatxoaren eraginez, kurtsorea pantailan desplazatzen da. Aktibazio-botoia sakatuz, guk aukeratutako funtzioa betetzen du. Eskuineko botoiarekin, berriz, testuinguru-menua ere atera dezakegu.

Hiru teknologia desberdineko saguak daude salgai: mekanikoak, optikoak eta

optomekanikoak.

• Mekanikoak: Hauek dira orain arte gehien erabili direnak, atal honen hasieran deskribatu dira. Orain baztertzen ari dira arazo ugari ematen zutelako, zikinkeriagatik, batez ere.
• Optikoak: Oso zehatzak dira, baina oso garestiak, eta askotan huts egiten dute.
• Optomekanikoak: Teknologia optikoa eta mekanikoa erabiltzen dute. Gero eta gehiago erabiltzen dira.

Orain badaude trackball izeneko sagu bereziak ere, eskuko ordenagailuetan erabiltzen dira, batez ere. Sagu horiek badute bolatxo bat goiko aldean eta eskuarekin mugitzen da.